تو مئے چے بئے چوئیں مئے تئی سیادی یے
چڑ ویادانی بیرنگیں یہ بندیخے
تئی لوغ ءِ راہ ءُ
مئے بھاذانی ھمگرنچ انت
ماگاماں باز پاریزوں
مہ جزانت جزثغیں راباں
وثی دیم ءَ شلان ءَ یار نوذ تئی پلو ءَ کاینت
گنوخ انت
تو مئے چے بی ئے
بزاں دوروش پھجواری
وھشیں ساعتے نند ءُ نیاذ ءِ مجلسے پُلیں
مئے زیند ءِ راہ سرءَ مہر ءِ ٹھہثہ چیذغے گلیں
نی ہر رائیغ
ہر سنگت
ھما خلقانی پچاراں گوں بُڑزارایث
نمیرانیں گلیں نشک ءَ سیادی یے
(کہ ) بے نام اِنت
بیاایشی سرءَ نامے نویسے نوکنوں بِلوّں
یازیند ءِ کاروان ءَ ریزدؤں
رائی گزی شیند ءَ
چے ایر اِنت ساڑتیں ساہانی اوتاک ءَ
تو مئے چے بئے چوئیں مئے تئی سیادی یے
نہ تو چماں تئی گرے راہے
نہ رکھاں توگرے ڈسے
نہ ارواہ تی گوْرے ٹلِھ اِیث
گنوخ اِنت تو مئے چے بی ئے