چم گریغاں اڑزی شلاں
یار تئی زھیراں گِپتغ آں
گر تئو نیایے شیبَر ءَ
مں گار باں، بیسار باں
اِشتئے مناں ماں ایوکا
مئی سینغ ءَ گرنداں جتہ
بیگاہ اِناں، تہ بانگواہ ءَ
مں گار باں بیسار باں
مں گوں پکیراں در دراں
پاداں شفاد ءُ سر دراں
مِھر ندارئے تئو دِلا
مں گار باں، بیسار باں
وختے اگر رَھمے کنئے
دروتاں گوں نوداں دیم دئے
اَگ ھِچ نیاتکا تئی کُلاہ
مں گار باں بیسار باں
نور اَژ شُتہ، مئی دِیدغاں
نئیں مُڑتغاں، نئیں زِیندغاں
اِشک ئے ھمے جُھلیں گر ءَ
مں گار باں بیسار باں
بر دیم باں ماں، اُلکہاں
دوھمی بر ءَ سَھرا نباں
چو شیھ ءُ مست ءُ اختر ءَ
مں گار باں بیسار باں