چونیں اے رنج ءُ درد منی جان ءَ کپتگ اَنت
تبد ءُ لوار ءُ لوڑ زمستان ءَ کپتگ اَنت
ایکیمی چہ دل ءَ شتگ ءُ واب چہ دیدگاں
وشیں حیال مہگل ءِ ارزان ءَ کپتگ اَنت
ساقی مکن چو ظلم ءَ کہ دنیا بہ بیت تباہ
پُلیں شراب وار اَنت کہ بیوان ءَ کپتگ اَنت
دست اوں برستیں من تئی گیوار سمبہینت
استال ءُ ماہ ءُ روچ کہ آسمان ءَ کپتگ اَنت
نوراں برئے یا زند ءَ برئے یا بہار ءَ برے
زہیراں وتی مہ بر کہ منا گران ءَ کپتگ اَنت