دل جہانءِ عیش ءُ آرامءَ کُشگ لوٹیت منا

دل جہانءِ عیش ءُ آرامءَ کُشگ لوٹیت منا

بزّگیں راجءِ امانت سر کنگ لوٹیت منا

گژنگیں ہر ساہدارءِ زندگی انچو گشئے

نان ماں ہوناں دلئیگاں پِر جنگ لوٹیت منا

کُوہن بوتگ زندمانءِ رنگ نُوں بنی آدمءَ

نوکیں جارے، نوکیں پیگامے دئیگ لوٹیت منا

شائرے آں من چو وشبوءَ نہ باں گندگ بلئے

ہر گْورا ہر ہلک ءُ بازارءَ پْرشگ لوٹیت منا

پازُلؔءَ گشتگ ءُ نئے گشتگ عطاشادؔءَ کدی

شیئر یک نوکیں وڑے عادلؔ گُشگ لوٹیت منا