او منی دِل تئو مروشی، ڈس کئیا شوہازغ ئے؟
بے وفاھا تئو پہ چیا در در ءَ شوہازغ ئے ؟
بے وفا دوھمی بر ءَ بیرو نہ کنت تئی بُودِناں
تئو گنوخ ئے؟ بےوفا دوھمی بَر ءَ شوہازغ ئے
تئو نزانئے شیھ ءُ ھانی چاکر ءَ کَڑد کُتہ؟
تئو شموشتہ شیھ مرید، تئو چاکر ءَ شوہازغ ئے
نئیں ترا دنیایے سُد ایں، نئیں ترا دِین ئے سما
آشِکانی مھزبئے پیغمبر ءَ شوہازغ ئے
آس اِشکئے تُستغ ایں، آں دوبَر ءَ روخ نہ بی
مُدتے یے تُستغ ایں آس ئے جَر ءَ (چر ءَ) شوہازغ ئے