گش انت چراگ ءِ شپاں روشنی ءِ گپ کن انت
آگہی ءِ واب، سید ھاشمی ریفرنس کتابجاہ
شِنگ کن:
گش انت چراگ ءِ شپاں روشنی ءِ گپ کن انت
دئینت زھر پدا زندگی ءِ گپ کن انت
دپ ءِ ھبر دگر انت ءِ دلانی راز دگر
گوشنت دروگ ءِ بزان راستی ءِ گپ کن انت
دو کرن گوستہ کہ ھنکین، بے بناں ستکگ
نزاناں ھمبل اوں چوں بنجلی ءِ گپ کن انت
مُراد ءِ واھگ ءِ ارمان بے نپیں ٹوک انت
که مئے مروک مروچی بے دلی ءِ گپ کن انت
من زاناں پندلے نوکیں جہان ءَ اومان انت
که دژمنانی زبان دوستی ءِ گپ کن انت
بزان کہ ستکگیں زرد ءِ ڈگار میتاب انت
اے مھلکا کہ منی بزگی ءِ گپ کن انت
صبا اے رستریں رنجانی سیاه بند کپ انت
ستر ک شپ زدگ ای محکمی ءِ گپ کن انت