ھمائیں تو چداں شُت ئے
پدا من واب نہ کپتگوں
پدا من ھچ نہ جیڑ اِتہ
ءُ نئیکہ مھرے گپ کتہ
ءُ نئیکہ کسے چاراِتہ
ناں تر ءُ تاب ءَ گردگ ءَ گس ءَ چے ڈن در اتکگوں
یک کوٹی ءَ کپتگوں
گش ئے منارا ویلے ءَ وبائے یا ھوپے ءَ وتی کتہ
من سک نگیگ بوتگوں
گوں پنکھا ءَ ھبر کتہ
چو راز دارے ءِ وڑا
چو بیل ءُ یارےءِ وڑا
تہاری دوستیں سنگتے کتہ من گپ توامیں گوشتگ انت
دریگ ءُ در چو بے وفائیں یارے ءَ
منا گوں گپ ءَ بوتگ انت
من گریتگ سک دل ءَ
اے کوٹی ءِ تہا نیاتکگ کس
نہ کشتءَ کسّ ءَ سر دمانے ءَ
من سائیکی من نفسیات ءِ نادراھے بوتگ اوں
دل ءَ نہ گوشتگ گپ بکن
من بے توار بوتگ اوں
من بے کرار بوتگ اوں
اے جاورانی ساچگ ءَ وتی کہ جندے پروشگ ءَ
من ذمہ واراں وت وتی