ھمے مئی کِسویں دڑد ءُ غمانی
چو آسکے بِیتہ دیمپان رسترانی
منی مَھلِنج منی زِڑدئے کَرار ءَ
مناں اِشتہ منی آں دوست ءُ یار ءَ
کہ مَں، آں مَن اِتغ ءَ زِندگانی
ھمے مئی کِسویں دڑد ءُ غمانی
نزاناں تانگُر ءَ ایں زِندئے منزِل
زھیر ءُ ترانغاں سوتکا منی دِل
کناں مں کِسواں چوں اَندوہانی
ھمے مئی کِسویں دڑد ءُ غمانی
تووئے واھشت ءُ زِندئے تئو زَرُورَت
ترا اَش لوٹ اِتئوں مِہر ءُ مُھبت
پَچے تئو داتہ غم اِشک ئے نِشانی
ھمے مئی کِسویں دڑد ءُ غمانی
مناں یکدر تئی لوٹ ءُ تما ءَ
تئی مِہراں گوں نئیں جانئے سما ءَ
نی گاریں مہروان ئے مِہروانی
ھمے مئی کِسویں دڑد ءُ غمانی
مناں اَش بِیتغئے تئو دِیر ءُ گِستہ
منی ارواہ منی جان ءَ شِہ سِستہ
مناں اِشتئے چو دیم ءَ ناھرانی
ھمے مئی کِسویں دڑد ءُ غمانی
ھبیب ئے دِل ترارا چوں شموشی
گُشغیں ھال مئی چوشیں مروشی
سرا چو کپتہ نپتے آزمانی
ھمے مئی کِسویں دڑد ءُ غمانی
ھمے مئی کِسویں دڑد ءُ غمانی
چو آسکے بِیثہ دیمپان رسترانی