ہر کس وتی کجال ءَ چاریت گپ جنت
کئے بزگانی حال ءَ چاریت گپ جنت
تو گپ جن ئے وَ کَرزئے منی حالت ءِ سرا
کئے حالت ءَ مئے لالا چاریت گپ جنت
سانگے نہ انِت مہر کہ بے گِندگ ءَ ٹہیت
دل مئے آکساں سال ءَ چاریت گپ جنت
آرا چے کار گوں تئی ورنائی پیری ءَ
آ کِیسگانی مال ءَ چاریت گپ جنت
بے تواری ءَ مچار ما گُنگانی مرشد ءَ
تئی کرتگیں سوال ءَ چاریت گپ جنت
مَنّ ئے نہ مَنّ ئے غوثؔ کرامات ءِ واجہ اِنت
آ وت وتی کمال ءَ چاریت گپ جنت