ہورءَ گیابان سمبہینتگ گْواتءَ نازینکے چِتہ

ہورءَ گیابان سمبہینتگ گْواتءَ نازینکے چِتہ

بیا کہ پتو بیکراریں مُرگاں آدینکے چِتہ

ہَو پدا تیرے سریچکیں نوبتءَ سوہاں کُتہ

اہدءِ جوہانءَ کپوتیں واہگءَ چینکے چِتہ

دوشی دریا آزمان اَت، آزمان دریا گشئے

چَولاں استالے پتاتہ، نوداں کرکینکے چِتہ

جاگہے الّم تئی ریٹائیں مہپر رِتکگ اَنت

سُہبی ساپیں آزمانءَ سُرمگیں شینکے چِتہ

دل چے پئیم سگّ اِت بکنت عادلؔ گریبءِ شیکنءَ

مدّتے گْوستہ یَہ نانے نئیکہ پتکینکے چِتہ