جہانءِ سرد ءُ گرمءَ بار کشّیت
منی دل اُشترے اُوپار کشّیت
کدی باہینیت دنیاءِ متاہاں
برے شائر چہ لبزاں کار کشّیت؟
نہ پہمیت کس زبانءَ شانتلانی
گنوکیں دل منی پاہار کشّیت
آ ہردیں گیر کنت مئے سنگتیءَ
چہ آستونکءَ وتی سیہ مار کشّیت
بچار ازمءِ ملائک ہم گنوکے
بچار آپءِ سرا گیوار کشّیت
دلءِ بوجیگ نُوں گْواتءِ میار اِنت
کجا باریں سرا آچار کشّیت
کدی تئی شائریءِ پُل عادلؔ؟
سْرپیت چو گواڈکءَ آتار کشّیت