جتگ گوں موسمءَ نازینک مُرگاں
نُوں امبازاں گِراننت شینک مُرگاں
بہ بیت ساچان گوں کونجی کتاراں
بہ لُڈیت شیپ چو آدینک مُرگاں
مُدام بیحال بوتنت مَرگءِ دامءَ
چِتنت پہ مژدہ واری چینک مُرگاں
نہ دْرچکے، ساہگے، آپے، پلارے
لِوارءَ سر کتگ آسینک مُرگاں
چہ شہرءَ بدگمان بوتنت انچو
کتگ جنگل وتی ماتینک مُرگاں
نکانءَ چانگے کم کُت پہ زہگاں
نہ بوتنت بہر کہ پتکینک مُرگاں
چے کارءَ کئیت چُشیں کِشت ءُ کِشاری
مہ کنت جوہان داں سیرچینک مُرگاں