کدی بیت، آ منی بیت، منی مہر ءُ زندگی بیت
گلے، گالے یا وبالے ہما شر اِنت کہ وتی بیت
کئی شپ جلیں نگاہے منی نیّت ءَ گُڑینیت
کئی رولہیں کِنار ءَ منی آس ءِ دل جمی بیت
منی دیما نِشتہ دُور اِنت من ءَ دُور انت دیما نشتہ
چوشیں بے وفا کئی اِنت چوشیں بے سما کئی بیت
من ءَ یا خدا بزورئے پرے لنٹاں پرپکیناں
من ءَ گوٛشتگ اِش کہ نیادے تئی گون ءَ مرشپی بیت
من ءَ مہگل ءِ خیالاں وتی چہ انّان ءَ برتگ
جلیں دردے انسریت تہ غمے آسی ئیں ودی بیت
پرے ترٛمپے مہوشانی رکّ ءِ آپ ءِ نوشگ ءَ چو
من ءَ ہر کسے گُماریت کہ اِے غوثؔ دوزہی بیت