کدی من ظلمانی آزمانک کدی من نیادانی گال کِشتگ
کدی من ترٛندیں زبان نبشتگ کدی من لہمیں خیال کِشتگ
کدی من راستی ءِ دوزہ ءَ بُن، کدی من دروغ ءِ بہشت ءَ سُتک اوں
کدی من جوریں جواب دوتکگ کدی من شہدیں سوال کشتگ
کدی من داشتہ دل ءَ ترا را کدی من شُشتگ دل ءَ را چہ تو
کدی پہ زرد ءَ گَلے رُتگ من کدی پہ زرد ءَ وبال کشتگ
کدی پہ دیدارے کوہ کپ کت کدی پہ نیادے ءَ دشت بُرّ اِت
کدی من چاکر تبی اوں نال کت کدی مرید ءِ مثال کِشتگ
کدی جہان ءَ را مہر بخشات کدی پہ مہرے ءَ واستی وت
کدی من جور ءِ کشار آپ بست کدی من مہر ءِ نہال کِشتگ
کدی بہار دات بے بہاراں کدی بہار ءَ را بے بہار کت
کدی من پہ وت کمال کِشتگ کدی من پہ وت زوال کِشتگ