کدی یاتے شہم دنت ءُ کدی شہمے یات دنت اِنت
منا ہر وڈا تسلّہ گُل ءِ جند ءِ ذات دنت اِنت
کج ءِ ہر شہار دست ءِ منی آکبت ءَ سازیت
منا ہر نگاہے دوست ءِ گوش ئے دراہ بات دنت اِنت
تئی شہر ءَ بے ریائیں دلانی بسات چے اِنت؟
کسے تو بسات داتہ جہان ئے بسات دنت اِنت
منی ساہ ءِ کندنی ءَ من ءَ برادلی ئے بکشات
منا مَرگ ءِ شاستگی ءَ منی زہر برات دنت اِنت
من ءَ دشمن ءَ کدی نا چوشیں چم پیش داشتگ
تئی پُشت پانی اِنت کہ وتی جند ءَ گوٛات دنت اِنت
رسگ منزل ءَ مراد ءِ بہار نیّت ءِ سرا اِنت
ترا شات رنج دنت ءُ من ءَ رنج شات دنت اِنت