کجام شاری
گدان ءُ ہم کشیں کُلّانی بازارءَ
وتی پاداں گران کنت ساہگ ءَمہنازءِ چم شودءِ
شل اِیت کستاں ءُ ساپ کنت نمبگاں شکّ ءِ
چو مگر ءُ پندلاں ساز یت
وتی پاداں سواساں عومرءِ شیپیت
ہنر ساز اِیت
زباد ءُ مِسک درنزینیت
گُلیں مہناز ءِ بوپ ءُ بخملاں نرمیں
کجام شاری
وتی زرد ءِ گنوکی ءُ گنوکیں زرد ءِ سرمستی
جناں کنت گام نرمیں پہ وتی بالاد ءِ بُرزی ءَ
وتی ارواہ ءَسینگار یت
ہزاراں دروگ ساز اِیت اے جہان ءَگوں
وت ءَگوں تہنا راستی کنت
غماں مار اِیت چمانی گوں زرد ءِ بے قراری ئَ
دل ءَشہداد ءِ پُر شکّیں
وتی مہرانی سِتک ءُ باوراں کوٹ ءُ کلات ءَکنت
مثال ءَایر بنت انجیر مہناز ءِ پچیں جیگ ئَ