کُجا کُجا وت ءَ پیتکہ پَتار داتہ ما
کھیر ، گَزّ ءُ چِگرداں کَرار داتہ ما
شَپانی آگھیں وابانی لَڈ ءُ بُوج ءِ تہ ءَ
وت ءَ را جیڑ اِتہ نِشتہ ودار داتہ ما
ھما کہ سِندَگ ءَ ساہ ءِ منی گِر ءُ دار اِنت
ھما اوں میتگ ءَ جِند ءِ ڈگار داتہ ما
نہ بنت دُراہ منی میتگ ءِ دُرھیں نادراہ
اِدا سَدانی ھِساب ءَ اَنار داتہ ما
تو بے ریائیں زمانگ من ءَ شگان مَجن
اے ھاک ءُ پُلک ءِ تہ ءَ سَر ھزار داتہ ما
ھما اوں کنت منی چِیدگاں فضل رَکبار
ھما کہ کوپگ ءِ نَکشیں کتار داتہ ما