مدینہ ءَ منی یارب سفر باریں کدی بیت اِنت
منی اے آہ ءُ پریات ءِ اثر باریں کدی بیت اِنت
دل اوں چو بلبل ءَ نالی نہ دیستوں روضہ ءِ جالی
محمدؐ مصفطفیٰ ءَ اِے بھر باریں کدی بیت اِنت
الٰہی من گناھگاراوں شفاءِ تئی اُمیت واراوں
نبیؐ تئی دامن منی نوں راھبر باریں کدی بیت اِنت
کن آں من توبہ ءُ زاری بئیت بلکیں منی باری
آباریگ ءَ ھُدا بیار اِیت اے در باریں کدی بیت اِنت
دعایاں گوں کن ئے گوھاراں مروچاں دیدگ اوں تہاراں
مدینہ ءَ سجدہءَ اے سر باریں کدی بیت اِنت
مدینہ ءَ روآں نندآں بلوچی نعت پربندآں
ھماروچی من بچکندآں گُزر باریں کدی بیت اِنت
سمین بر تو منی ھالاں کہ من بے زرّ ءُ بے مال آں
کہ اِنچو مُدّت ءُ سالاں نوں زر باریں کدی بیت اِنت