منی حال ءِ مکن جُست ءَ منی دوست
گماں گرانیناں دل درشتہ منی دوست
اَجل اتکگ سرا رستہ منی دوست
بدے دست ءَ منی دست ءَ منی دوست
بہار ءِ موسمءٓ لُک ءُ لِوارِ اِنت
چمن اوستانی گیمرتہ منی دوست
گم ءُ اندوہ ءُ درد ءُ آزگیں دل
چہ بُن بنداں دلوں سِستہ منی دوست
گوں جوریں وژنیاتکاں صُحبت ءُ تران
اے حال ءٓ ھم منا تہ گپتہ منی دوست
اے شمٌیں دل کُجا چہ بود کاریت
جگر گوں کُنٹگاں سُپتہ منی دوست
سر ءُ ساہ ءٓ تئی پرواہ مبات اِنت
منی وا بٓہت بٓرگشتہ منی دوست
من ءٓ گوں تو منی دوست ہچٌ گِلگ نیست
من دیرِانت دل وتی شُشتہ منی دوست
زِرے زیر آپ بیت چولاں گوں بانل
اُمیتانی تیاب پُرشتہ منی دوست