منی منزل کہ دِیریں آزمان ایں
ھَدیں بیزار اَژ من اُستمان ایں
نہ کِنزاں مں پدا، جنگ ئے پِڑا شہ
کہ رَند ءَ آلُم ئے تنژن ءُ شغان ایں
مروشی کس نبی پابند زبان ئے
جہان تہ تیوغی ءَ بے زبان ایں
مناں کہ ھورگیں دستاں مِڑَغ آں
منی دُژمن گوں زَھم ءُ اِسپران ایں
کُتہ بیرَو مروشی سَمُلی ءَ
ھَدیں ڈیھ ءَ منی ءَ ماھکان ایں
تووئے دَرکپتغ ئے گوں کاروان ءَ
منی رَند ءَ منی رَندئے نشان ایں
کناں اَرداس اِستِینیں جُڑاں را
مہ گواریں کہ ھبیب تَہ بے گِدان