مہر ءِ چراغاں ، واہگ ءِ آساں کم کنان اِنت
عمر کہ بدن ءِ تئی کرپاساں کم کنان اِنت
بس یک ٹالے تاک کپتگ مئے مُوداں سیاہیں
بانک جیگ ءِ بو ءُ باساں کم کنان اِنت
ساہ ہم ڈکّیت تنکیں دلانی توک ءَحُدا ءِ
دنیا زمین ءِ کچ ءُ کساساں کم کنان اِنت
اندر ءَذات ءِ قید کنان اِنت وہد من ءَرا
سیاد ، عزیز ءُ تنگہیں براساں کم کنان اِنت
گیش کنان اِنت قہریں ودار ءِ تئی وزواساں
قرن ءِ حساب ءَشپ وتی پاساں کم کنان اِنت