مُرتگیں اَرواہءِ پُشتءَ زندگیں دردے رُدیت
مئے نصیبءِ سرزمینءَ آزگیں ٹپّے کُدیت
دیدگاں شانکیت زِرءِ جُہلانکیءَ اوژناگ کنت
دل نزاناں پہ کئی اے مولُم ءُ یاتاں زَریت
ترٛانگاں پوشیت گُلابءِ وشبُوہانی ساہگءَ
گوں کئی یاتاں حیالءِ دامنءَ پُلّے سرٛپیت
دین ءُ دنیاءِ موالاں دل وتی پجّار کنت
نیستیءِ بابءَ سُرینیت گوں زہیراں سمبہیت
میتگءَ لالءِ بہ سبزیت مئے دلءِ اوتاگ پدا
زندءِ جنگجاہاں دلءِ یک ٹُکّرے بلکیں رُدیت
تو حیاتؔ گوں آسیں اِمروزءَ وتا پجّہ بیار
دُژمنءِ زُوراکیءَ لہتیں کپیت ءُ گار بیت