تہاریں شپ پہ مہکانے زَریت اِنت
ڈگار پُلّیں پہ دہکانے زَریت اِنت
زَریت اِنت دل پہ لالءِ نیادیءَ سک
دوار ہنچو پہ پاسبانے زَریت اِنت
ابیتکیں زند منی چوں بود کاریت
دل اوں دیر اِنت پہ مہمانے زَریت اِنت
تئی مہراں منی بِیگّار کتگ دل
بزاں کہ پتو انسانے زَریت اِنت
بیا تئی آہگءِ حال اِش منا دات
کہ دیر اِنت دل پہ ارمانے زَریت اِنت
مہ جُنز پاداہگءِ نامءَ مگر تو
بہ نند کہ پتو دیوانے زَریت اِنت
سُرین دوست کاگدیں لنٹاں وتیگاں
کہ شوکتؔ پہ تئی تْرانے زَریت اِنت