نگاہاں چہ منی واب ءُ کرار رؤگ ءَ اِنت
وتی سرا اوں منی اعتبار رؤگ ءَ انت
تو آزمان ءِ سرا دیستگ انت واب ءَ کلات
زمین ءِ نیمگ ءَ چماں شھار رؤگ ءَ انت
بلوچے انگت ءَ کوہ ءَ گوں جنگ ءَ دزگٹیں
پدیں چَوّٹے ءِ ژیمب ءَ بچار رؤگ ءَ انت
من سرپداں کہ منی میتگ ءَ نو ہچی نیست
اے دل پہ وائے وتن ہشکیں دار رؤگ ءَ انت
چہ دیدگاں منی دنیا ءِ رنگ دیریں شتگ
تئی تلب منی مجگ ءَ چے یار رؤگ ءَ انت
ہمیشیں انو در اتکہ چہ تئی دو رنگیں دل ءَ
چو گاریں مرگے ءَ بالیں بہار رؤگ ءَ انت