پہ تئی شوھازگ ءَ راھگار دگئے باز در اتک
دمک یکّین ات ءُ بازار دگئے باز در اتک
در نہ یتک پہ من شریدارے منی دردانی
تئی وپاہانی شریدار دگئے باز در اتک
ما کہ ہرچیز ئے سرا چم وتی سک کتاں
ھَو ہما چیز ئے تلبگار دگئے باز در اتک
وت دل ءَ بوتگاں ریٹا کہ من ءُ بس مناں
تئی کش ءُ کراں چشیں یار دگئے باز در اتک
گلزمین ءَ اوں وتی تُن پہ گوْم پروشت نہ کت
ھون ما ریتکاں ءُ تلکار دگئے باز در اتک
سیملُک من وا ھمے گشتہ کہ بیت یک گمے
تئی دل ءِ توک ءَ بلئے کار دگئے باز در اتک