او منی ماتیں وتن، مسکیں ڈغار

او منی ماتیں وتن، مسکیں ڈغار

گُلزمین باتئے مُدام باغ ءُ بھار

کھچراں آھُو ءُ آسکانی رَمغ

دا بَھشتئے دروشماں تئی ھَر دمغ

کَوگ، شانُتل، بُلبئے ایشیں توار

گلزمین باتئے مدام باغ ءُ بھار

لھڑ، اوٹغ، کئور، چات ءُ آفشار

آف ءُ تام ڈیھ ئے چو کنت مست ءُ ملار

پَٹ، بیٹ ءُ کِیلَغ ءُ کِشت ءُ کِشار

گلزمین باتئے مدام باغ ءُ بَھار

نئیں تئی مَٹ ءُ بدل، نئیں دَروَرے

اَش ترا نے، مار ءَ ھِچ دوھمی دَرے

نرمزاریں چاکرئے میرئے دیار

گلزمین باتئے مدام باغ ءُ بھار

جی منی ھیل ءُ تماھانی دَمن

ھر گوئرے، با وشھالی ءُ امن

دعا ھبیب ئے، راج با یکجاہ اوار

گلزمین باتئے مُدام باغ ءُ بھار

او منی ماتیں وتن، مِسکیں ڈغار

گُلزمین باتئے مُدام باغ ءُ بَھَار