مار ءَ اِشکئے منزِل ءَ پَرَام اِتہ
مں گُشاں جِندئے دِل ءَ پَرَام اِتہ
ھِچ سما مار ءَ نہ کپتہ چے وڑا
مَڑدُمےئے دروشم ءَ پَرَام اِتہ
گِپتہ ھئور ءَ مار ءَ بَر ءُ بیدہ ءَ
بے رغامیں موسم ءَ پَرَام اِتہ
مئے سرا دِے زالماں ھَنچو کُتہ
چو ھُسین، آں کافَر ءَ پَرَام اِتہ
سنگتاں شِہ چون داراں باور ءَ
مار ءَ جِندئے سنگت ءَ پَرَام اِتہ
مار ءَ تہ شیطان مُدام ھَم کوفگیں
(اے) رَستر ءَ آدُم، ہوا پَرَام اِتہ
ھِچ نہ بی باور گِھینانی سرا
شیھ، گِھیں آں چاکر ءَ پَرَام اِتہ
کئی سرا من آہ ءُ پِریات ءَ کناں
دِل منی جِندئے دِل ءَ پَرَام اِتہ