رہسراں تاہیر گرئے ناں منزلاں دارئے وتی

رہسراں تاہیر گرئے ناں منزلاں دارئے وتی

زندگی شوہاز ءَبلکیں چو من ءَگارئے وتی

مرکب ءَگوات ءِ سواراں دل دوگام ءَپیسر اِنت

میتگ ءَسرگپتگاں تئی شوق ءَدیدارءِ وتی

کیت یکّے سر شپ ءِ دمکاں چراغے روک کنت

ماہکاں کہ پیچیت رُژن ءَنُگرہیں شارءِ وتی

زند رنگ ءَجنت زند ءِ ، پُل پُل اَنت ناں چراغ

اچ تئی روگ ءَرند دیستگ رنگ ما بازار ءِ وتی

عشق وابے ، واب ءِ معنا اِنت سفر ماں انگراں

من ماں آس ءَدَور کناں ءُ تو دل ءَچارئے وتی

چاکر ءَکوٹ ءُ قبا براہ اَنت گوں سُوری شادہاں

شے مُرید اِنت ملّگیں سالونک دشتار ءِ وتی

ہو شرف امروز ءَہر کس باطن ءَرنگے رجیت

پُل ءِ وش رنگی وتی اِنت ، رنگ سیاہ دار ءِ وتی