شکون دیم اِنت زمین، آسمان چَپّی اِنت

شکون دیم اِنت زمین، آسمان چَپّی اِنت

بگندئے مرچی تئی شرومدان چَپّی اِنت

من جیڑ اِتہ کہ نبائد منی بہ تُرَکّیت دل

تو کنداِتہ کہ پدا تئی گُشان چَپّی اِنت

بہ تِتک بَنگیں مُلارانی روژنائیاں

کہ ہورکیں تاس ءِ تہا ماہکان چَپّی اِنت

ناں رَہ شُناس حُدایے ناں واجہ زَرتُشتے

کَُرتکہ سِتکءِ مسیت، آس دان چَپّی اِنت

کےَءَ کےَءَ ترا شِنگینتہ، تاک تاک کُتہ

کُجا کُجا تئی ننگءِ قرآن چَپّی اِنت

مں ماں اَڑاناں گَڑ ءُ مَنجیں جیڑہاں عاجز

نہ گیِشّگا اَنت ہبر کہ زُبان چَپّی اِنت