تچکیں مردُم ھستا ھرچی درست شُتاں
راجی شائر سید ءُ قاضی درست شُتاں
مرچاں تئ بازار ءِ دمکاں جلوہ نیست
مردُم گیری براسی سیادی درست شُتاں
ھرکس دومی ءِ بڈا کپتگ داں بہ مِریت
براتی گُھاری مھر ءُ دوستی درست شُتاں
کئے پہ غیرت ءِ نام ءَ جنگے رودینیت
بالاچ ءُ اسلم اکبر بگٹی درست شُتاں
آئی پہ راج ءَ ھچ نہ کُرت ءُ یورپ ءَ شُت
مئے پہ جِند ءِ جِند ءَ ھستی درست شُتاں
وارت شراباں مست ءُ خُماریں بے سُد انت
دود ربیددگ رسم بلوچی درست شُتاں
مارا شِگانی میر تئ نام ءَ میریں کُرت
ھرچی کُت پہ راج ءَ شرّی درست شُتاں