تہنائیءِ قندیل بلیت نئیکہ سبا بیت
دِیرءَ تئی نّزیکیءِ اِستار درا بیت
اِستیناں گْوزانءَ، منی پیشانی اوں بوس اِت
اے سَہتءَ کئےءَ باریں منی نام دپءَ بیت
تئی مَہپرءِ پیچانی قسم، اینکدہ زیبا
یا دوستےءِ نمدی، یا کَسی آخری ساہ بیت
اَئے یار، تئی شیرکِنیں سیپارَہیں آواز
مارا کہ نہ بیت یات، گُڈا یات کئےءَ بیت؟
بیا مجلسءِ لُنٹاں جنیں حاموشیءِ مُہرءَ
بیا دُرس وتا پُرسیں زُبیر اَّنی کُجا بیت