تئ گم ءُ درد ءِ اجب آ کہساں کاریت مدام
زندگی چو ملکموت ءَ کہ مناں چاریت مدام
یا ھدا پرواہ مہ باتیں مھر ءِ آدینک ءَ کدی
مے دل ءِ بانور وت ءَ کہ بلے سنگاریت مدام
بژن بیت نازل منارا تئ ہمے یکیں زہیر
سہب ءُ بیگاہ کیت دل ءَ را آسے مانداریت مدام
سرگرآں ہردیں دگہ جاھے بلے ارمان پدا
راہ مناں بارت ءُ ہما جاہ ءَ پدا کاریت مدام
بے نپیں دھر ءَ ترارا آپریں انت ایوک ءَ
کے تئ پیما جلال نندیت ادا دار یت مدام