اُمیت ءِ بندیکّ پرّ رِچان اِنت گُک ورانءَ

اُمیت ءِ بندیکّ پرّ رِچان اِنت گُک ورانءَ

تو باریں ہامینءَ کائے یا کہ پَپُک ورانءَ

گوں ہون لبزاں نبیس ہنّی ئیں داستانے

نہنگیں زہرگ کہ جوش گِپتہ ہُلک ورانءَ

مہ ریپ میشاں پہ نود تُنّیگیں ملگزاراں

مہ نند پہ شمش، کاہُک ءُ پیمّلُک ورانءَ

دل ءَ ستر پہ دگہ تماہے مہ تلوسیناں

ہلاس کنت تئی منارا غم زیبلک ورانءَ

بہ جزم عاجز کہ چَڑ دَراؤرتہ زندگیءَ

بہ چیلّنت ماتانی جان ءِ گوشتاں کہ چُک ورانءَ