وطن منی وطن منی
ندر بات پر تو تن منی
منی دل ءُ جگر ءُ جان
بلوچ گُلانی گلستان
چمن منی چمن منی
ندر بات پر تو تن منی
پہ زور اِنت دشمن سک اگہ
تیار اَنت پر تئی رکگ ءَ
راج ءِ کسان مزن منی
ندر بات پر تو تن منی
پر ترا بہار کئیت
مئے دل ءَ کرار کئیت
جسم ءُ جان بدن منی
ندر بات پر تو تن منی
من ءُ تو کہ بئیں چو برا س ءَ
توسیں نفرت ءِ کہ آس ءَ
گڑا رحمتیں ہؤرے بیت
یک ساہ بہ بیں یک جان ءَ
رَند ءَ گِندیک بلوچستان ءَ
جنّت ہچ نہ بیت ایمان ءَ
گنِدیت بزّگاں سیری ءَ
ورنا بیت بہار پیری ءَ
وشءُ وش دلی دورے بیت
مکرے چوں کتہ بے ننگاں
مست کرت مارا چوکوہ بنگاں
دست ءَ پرٛشتگ ءُ پاد لنگاں
ظلم بوت بے کسا س مئے چک ءَ
یکجا بیا بئیں پہ حقّ ءَ
من تئی وت ماوت شؤرے بیت
دانکہ من ءُ تو ناچاکیں
باسک مئے پرٛشتگ ءُ بے واکیں
سوبے پہ بداں چالاکیں