زند وتی چاچ ءَ کدی کنت معنا
یاگی اِنت دل حیال ءِ زندانءَ
ما چو بے عمریں شپ ءِ اِستالءَ
سِستگاں دور چہ گل ءِ آزمانءَ
انچیں دُنیایے حُدا مرچاں تئی
حون ءِ ہوشام اِنت ہمک انسانءَ
لیب لیب ءَ زوال بیت مردُم
عشقءِ ارزانی کپیت سک گرانءَ
چماں پچ کن دل ءِ زبان ءَ دوچ
ہردیں کائے فقیر ءِ دیوانءَ
ہرکس محتاج اِنت قُدرتانی تئی
مانیت ہر چیز تئی عظیمیں شانءَ
دستگیر پُشت اِنت، لالءِ باہوٹاں
دل نہ لرزیت مئے ہار ءُ طوفانءَ
شیخ سعدیؔ ءَ راست گُشتگ ندیمؔ
دربرگ بیت اِنت اَگل نادانءَ