زندگی

زندگی تو گوں من ءَپہمگ نہ بئے

زندگی من کہ ترا پُلے کناں

دوست ءِ وتی زُلفاں جناں

بیگاہ بیت تو گیمرئے

زندگی تو گوں من ءَپہمگ نہ بئے

زندگی من کہ ترا وابے کناں

چماں وتی جاگہ دیاں

ارسے بئے ، حاکاں کپ ئے

زندگی تو گوں من ءَپہمگ نہ بئے

زندگی من کہ ترا سوتے کناں

شہدیں زُبان ءِ زیمرءَالہان باں

چو سازے ءِ تارءَسِدئے

زندگی تو گوں من ءَپہمگ نہ بئے

زندگی من کہ ترا کشکے کناں

دریا ءُ زِر ، گٹ ّ ءُ گراں

شوہاز ءَپہ تئی سرگراں

بیگواہ بئے پہ منزلے تو سر نہ بئے

زندگی تو گوں من ءَپہمگ نہ بئے

زندگی من کہ ترا عشقے کناں

بنداں وتی ساہ ءَگوں شار ءَحانی ءِ

تو چو مُرید دیوانگیں ، جی شاہ ولایت میتگاں

مست ءُ ملنگ بئے ءُ تچ ئے

زندگی تو گوں من ءَپہمگ نہ بئے