زبان ءُ دود ہوار نئیکہ ہاک ءُ ہون شریک

زبان ءُ دود ہوار نئیکہ ہاک ءُ ہون شریک

نُوں انچو سِستگیں من ، تو کہ انچو مرچی ءُ زیک

سباہاں پُل سْرپنت نئیکہ بیگہاں کنجل

ماں کست ءُ کینگءِ شہرءَ دل اِنت مہر شُدیک

آ پیژگاہءِ ندارہ پمن بہشت گونگ

آ دوستءِ مہلبیں تْرانگ پمن سمینءِ شیک

پدا ہمائیں تہاری یے مانپوشان اِنت

دمانے دْرپش اِتگ ارواہءِ لنکُکاں مُندریک

نُوں گْواتءِ جامگءِ چانکاں ما چون گِپت کنیں

تَو اہدءِ پُرشتگیں سوچن، من سِستگیں بندیک