زُرمبش ءُ ڈاہ تواریں پورانی آترٛاپ ءَ
پہ ودارے بُجنزاں توارانی آترٛاپ ءَ
مرچی گدرمبگو کرتگاں مہلب پہ ساوڑی کؤش ءَ
لالتاکاں مبارت دگئے گوٛاتے چہ مہپرانی آترٛاپ ءَ
بگوز اِت نوداں بہ شنز اِت موسم انت بہارگاہ ءِ
گژن ءَ کپوت نالگان انت کہیرانی آترٛاپ ءَ
دل من ءَ بجلاںنیست دگہ جاہے بیدئے تئی ہنکین ءَ
زاناں سگار ساہیل بنت کرام ءُ کہیبانی آترٛاپ ءَ
اگن میائے ترا ڈوبار انت دیمپان بئے شگانانی
پرتو پروا نیست پُل وابیں دیگانی آترٛاپ ءَ
بیا کہ تئی زرشان ءَ مچینتگ چوگانے
زاناں پرشتگاں منگلی دزگوٛہارانی آترٛاپءَ
پہ وتی شیداہی ءِ پجار ءَ مباں بیگوٛاہ ماں دروشم ءُ رنگاں
پدا درگیجگ کپیت امل ءِ آتارانی آترٛاپ ءَ
میر ؔءَ مُدّتے گوٛازینتگ نہ دیستگے تاہیر
سفر ہلاس نہ بیتگ گورتگ گلگوکاں بہ آترٛاپ ءَ