آ پہ کَلدارے بَھا بیت، مئے کُجا دَرد وار بیت
زِندَگی دیما نَہ کَپتَگ، مَرچی کَیت او یار بیت
اِے ھَبَر راستے کِہ دَستءَ پروشتَگیں بَنداں گوَر ءَ
اے کَسی پَھم ءَ نَہ یَتکگ ، مَلکَموت دِلدار بیت
ھَرکَس ءَ بَستَگ پِلوَنچّے شَھر ءُ ھَلکاں سَٹِھتَگ!
کئے مَنیگ دَراداناں مَار اِیت ، کئے تئی گَموار بیت
لَبز ءُ آیات کِیسَگَ ءَ اَنت ، وَاز ءُ نَسِیت چَادر ءَ
گوَست ءِ کِرتاس ءَ شِگُوسَتگ ، ھَستی ءِ دِیندار بیت
رَد نَہ کَپتَگ کورْ ھچبَر پَھم ءُ زاِنت ءِ کَالب ءَ
چَمّ پَچیں کورْ ءَ سَلام اِنت راہ ءِ راست ءَ گار بیت
روباھاں پَیمان بَستَگ ، دَپتَر اَنت چَالاکی ءِ !
گِیمُر اِیت اُوستانی گِواڑگ، نِیکرَھِی اِنزار بیت
نَوبَت ءِ کَریابیں ڈَنگر ، اَھدے گام انت پَدر اَنت
چِورائیں شَھرانی کَلمانٹ ، کئے گُشیت سِنگار بیت
تَو شُئیب پَیمان بَندے پَرچی لَبزی کَالب اَنت !
پیر وَتی گَامَاں بِدار اِیت، میرے وَت مُنجار بیت