مَرگ ءَ پالام کن اَنت ، زند ءَ رواجی جُنز اَنت
جاوَراں تاب دَیان ، ماری ءِ واگ اَنت دار اَنت
بانزُل اَنت بَند اَنت شِلنگانی شِتابیں کُوچ اِنت
واھَگ ءِ مَنزل ءَ پیچ وارتَگین پاگ اَنت چار اَنت
بیا کہ اندیم انت زھِ ءِ دَنز ءُ مُجاں ویرانی !
بُکچہ ءَ پیچ دِل ءِ مُنّاھیں داگ اَنت مار اَنت
کَد پَہ اَرمان بَھارانی پترُنکینتگیں داباں چارے؟
بیا وپاھانی تلانگ گِنتگیں سَاگ اَنت دار اَنت
مُزرواں ایر مہ بَند چاکری کُوچے تیگ اَنت
بَندن ءَ زِیل گِراں ، ھَملی واگ اَنت سار اَنت
چِنچو ایر گِپتَگ اَنت ، اَنگام چَریں زِیل ءُ بَام
بیا سروزانی شَھارینتگیں راگ اَنت کار اَنت