مِھلکتانی مِھرے مُزّ ءَ سَر پَہ تاب آرگ نہ بیت
سَرمچارے جوشّ جَزبگ پَہ گُمان چارگ نہ بیت
سَر بِہ گیت اِنت گَوں مَڑاھاں بی بی شَدری ءِ جَوان
آکّ ءِ سوگِند ءَ مہ وارت اِنت، پہ اونپ دارگ نہ بیت
گُژن بَستگ ماں پلونچ ءَ، تُن ڈَکّ اِنت چاگَل ءَ
شاھسوار ءِ شَاھی کُولِنج پَہ نِگاہ مارگ نہ بیت
روچے سَٹ ایت ماں گَیاب ءَ، روچے دار ایت کُوھسراں!
جَام پَہ شان ءِ مَہ نوشیت، مِھرے بَرّ سَوارگ نہ بیت
وَھدے گَواجارْ اَنت نَہ پولیت، رَسم ءُ راھاں تورْ کنت
ھَرکس ءَ گَوں چَپ ءُ چِوٹاں، چیر ءُ سَر، بارگ نہ نیت
نَہ پَہ تَوسیپ ءَ زَر ایت اِنت، نا پہ ڈؤبارگ تَرْاھیت
تَلمَلئِیں کَاڈانی وَارس، اَنچو نَز آرگ نہ بیت
مَاھل اِنت پَہ مَرزبوم ءِ اِشکّ ءَ ایروپ جوڑ بیت
پِینڈی ءِ شَاھی کَلات اَنت، جُنزی شَاکارگ نہ بیت
مَا پہ لَبزی. مِنت ءَ بَس، جارْ پِرین اِنت شین!
ھَرکس ءَ پَہ دیم ڈیھ ءِ مُوکگ ءَ زھرگ نہ بیت