لبزانک ءِ بہ بند پابندءَ
آشوپ ئے بیار ہر ہندءَ
لوٹے سوگہیں چاگرد ئے
بیہار ءِ مچار پرسندءَ
پیگور انت بدانی چکّاس
ایر پروش کوڑوءِ گورگندءَ
نادیستءِ مکن پارتّءَ
نازانت ءِ مجن پدرندا
گندے شادہ ءِ منگیرءَ
نوکین نوبت ءِ پر بندءَ
مہرانی پڑ ءِ کِشکءَ چار
نادانے شزارشہ زندءَ
یل دے حانل ءِ شوہازءَ
پہریز شہ پذایءَ جندءَ
واب ءِ شکّلیں ماناے
ساہ ءِ چست مکن سوگندءَ
عنبرؔ شیکلیں باریگ ءِ
تہر وز ءَ لپاش ہر ہندءَ