کدیں بی سرببان من مکہءَ پاکیں
بہ گنداں چم وت آکعبہ ءَ پاکیں
بہ چکّاں اسودءِ سنگءَ دل ءِ حُبّ ءَ
کناں طواف خدائی خانہ ءَ پاکیں
بنوشاں زمزم ءِ آپ ءَ دلءِ سیرءَ
کناں زیارت خلیل ءِ جاگہ ءَ پاکیں
بہ لگاّن سر براکوہ ءِ صفا ئیگ ءَ
پدازُوراں تگاں پہ مروہءَ پاکیں
بباں بنُدر منٰی ءِ اندر ءَ ہردیں
کناںدیدار ذبیح ءِ درگہ ءَ پاکیں
ریان ننداں ماں کوہ ءِ رحمت ءِ ٹلّءَ
کناں توبہ خدائی درگہءَ پاکین