کپتگون بے سد و سار اے نبی آخر زمان
بیا منی حالءَ بچار اے نبی آخر زمان
سکّ گناہگارون من زانین امّتی ائوں تئی بلے
پر منی عیبان مچار اے نبی آخر زمان
سر بہ بین باریں پہ چونی منزلءَ من کدیں
کرتگون راہءَ را گار اے نبی آخر زمان
پر تئی دیدارءَ پاکیں تلوسیں من ہر دماں
تو بکن کمّیں کمار اے نبی آخر زمان
نیست مارا بید شہ تو درورئے شاہِ اُمم
تو وتی دستءَ شہار اے نبی آخر زمان
گم و گاریں منزلانی راہشون توئے نبی
اے منی زردءِ توار اے نبی آخرزمان
توشفیع المذنبیں ءِ محشر ءِ آسیںپڑا
عنبرؔانت اومیت واراے نبی آخرزمان