بہاریں دل منی ویران کیا کت
منارا انگر و آساں کیا کت
بگش بے بزّگیں سوزِ جتائی
غم و رنج ءِ منا دیمپان کیا کت
مدام بنداں امیتانی کلاتا
منا بے زانگ و ناداں کیا کت
پہ بے زانتاں تماشائے پِرّتکاں
منا چو وت سر و حیراں کیا کت
طلبگاراں شپ و روچ ملکمیت ءِ
چو مرک ءَ را پہ من آساں کیا کت
اگاں حال بیتگ و حاکاں اَواراں
منا را چو پل ءِ مرزاں کیا کت
دمانے ہم نئیت تاہیر ساحرؔ
دل ءِ درد ءَ رابے درماں کیا کت