ہزار بر من غمانی سیاہیں جمبر گرندگا دیتگ
وتی سارت ساہگیں کُلّ ءِ سرا بچکندگا دیتگ
مثالِ شیشگ ءَ دل پُرشتگنت من سینگ ءَ پراہیں
گُل ءَ را آہوئیں چمّانی من کار بندگا دیتگ
تہاری ءَ تئی اَے شپ نیاراں ھاطر ءَ گاہے
کسے ءَ را من سیاہیں ماپرانی رندگا دیتگ
نہ بُرتنت وشیں ترانگ مرک ءِ شہماتاں مزار بیمیں
تہا قبر ءِ تئی من واہگ ءَ را زندگا دیتگ
من دیوان ءِ سرپاں شر رنگ و ماہیں دزگہارانی
مروچی چمّ وت کیگد پہ نازے نِندگا دیتگ
جتائی ءِ شپاں گرانیں زراں تاہنگتا دوستاں
کہ درد ءَ را پہ بانوری دل ءَ پِر بندگا دیتگ
تاہنگت خشک حیران اَنت بزیں استار آسمان ءِ
اِشاں ساحرؔ گل ءَ را پہ دمانے کندگا دیتگ