بے گناہ اوں کہ پہ ثواب ءَ وار نہ بیت
لذّتے ہنچیں کہ دلوں شیوار نہ بیت
یک غم ءِ بچکندگ نہ انت ہر درد ءِ دوا
ہر گنوک ءِ ساری سر ءِ سنگسار نہ بیت
نشہ کہ از گیشئیت پْرشیت جان ءِ بند بند
قدح ءِ سر رچگ ہر دل ءِ پاہار نہ بیت
گِرّ بندیت چو کودک ءَ پہ ہر دتگ ءَ
ہچ دمے ایمن واہگ ءِ ہینّار نہ بیت
گْواڑگے بوتیں بستوں تئی شار ءِ پلّو ءَ
زند ہما بدواہ انت کہ ہچ یار نہ بیت
واہگاں بل کہ نوں زمانہ کیگد تب انت
وشی ءَ زہر انت زہری ءَ آزار نہ بیت
ہر دو پرّامنت ماہکانی بیت یا بدن
شیرکنیں واب ءِ ترْانگ ءَ غم گار نہ بیت
نیں نیائے کہ سہڑ تہ بے وابیں دل اوں
پرْشتگیں ارمان ءِ بدل دیدار نہ بیت
چم اگاں سلطانیں کپیت پہ ہر نیمگ ءَ
دل بلے مہر ءِ منّت انت آوار نہ بیت
اشکتہ ما ہم کہ عطاشاؔت انت بے بلا
بیا بگنداں کہ دژمنانی کار نہ بیت