سلام پر تو گہیں گلزمیں سلام سلام
سلام پرتو مئے دنیا ءُ دیں سلام سلام
سلام پر تئی مسکیں ڈگار ءُ سُرمگیں کوہ!
سلام پرتئی نیلیں تیاب ءُ شیشگیں جو!
سلام ڈنّ ءُ د مگ پل زریں سلام سلام
سلام پرتئی روچ ءَ کہ برمش درشانی
سلام پرتئی استار روکیں مہکانی
سلام پرتئی شپ سرمگیں سلام سلامٰ
سلام پرتئی مہر ءِ زباد بوئیں بام
سلام پرتئی حب ءِ بہار گاہیں شام
سلام پرتئی وشیں سمیں سلام سلام
سلام پرتئی حب ءُ ہدوک مہر ءُ میار
سلام درد ءِ دوا دستگیر و دردوار
سلام شادہ ءِ پل سْرپتگیں سلام سلام
سلام پر تو گہیں گلزمین سلام سلام
سلام پر تو مئے دنیا ءُ دیں سلام سلام