چی اِنت سنج ءِ رنگ، چی اِنت درِٛین ءِ رنگ

چی اِنت سنج ءِ رنگ، چی اِنت درِٛین ءِ رنگ

چِینچک پُر کیف اِنت مہہ جبین ءِ رنگ

تو کہ سینگارئے وت بدل بنتیں

آزمان ءِ رنگ، گُلزمین ءِ رنگ

تئی جِتائی ءِ شپ او مہگونگ

پہ من زہر اِنت چو مارجین ءِ رنگ

تو مئے اِمروزئے، تو بہشت ئے ہم

توئے مئے مذہب، تو مئے دِین ءِ رنگ

بیا سرٛپین زِرد ءِ آسُمی پُلاں

اَست ئے سُہبانی، تو سمین ءِ رنگ

ماں مہ پوش ندٛراں جیگ ءِ جالاراں

بل کہ شنگیت اِنت مہر ءِ درٛین ءِ رنگ

اِزگُل ءِ حون ءِ ترٛمپ ترٛمپ ءَ چہ

بیت ودی بازیں یاسمین ءِ رَنگ