بیا زھیر دِلبُرّیں منا نیلنت نندگ ءَ
چم منی ھمراہ نہ بنت واب ءِ گندگ ءَ
تو وت ءَ چیر دات ماں گل ءُ پُلّیں میتگ ءَ
دم نہ بُرت ماھم چارگ ءُ راہ ءِ نِندگ ءَ
گُشتگیں گال ءِ سجوئیں بند بند اِنت ابیتک
موہ ندنت کْوھنگیں قلم شعر ءِ بندگ ءَ
بیت کنت بیلے سِستگیں بیھال کنئے!
دل شموش ئے چوں گورگیں کُلّ ءِ زندگ ءَ
آدمی زاتیاں! منا زندان ءَ کُتگ
کُبل بیت اُمرے تانسری یات ءِ بندگ ءَ
ماتئی جیگ ءِ سستگیں پُلّیں گیمُریں
ما نہ بیں آرگ زاری ءُ آہ ءُ مَندگ ءَ